> ## Content Index > Fetch the complete content index at: https://xavier.wang/llms.txt > Use this file to discover other available public pages before exploring further. # 天晴放风 —— 筷子街 & 松风路扫街流水账 - URL: https://xavier.wang/96-capture-songfeng/ - Published: 2020-04-14T00:46:04.000Z - Updated: 2021-09-20T13:26:24.000Z - Description: 得闲扫街 - Author: 王虾虾 - Tags: 作品, 摄影 ## 筷子街 系街景揾到几个唔错嘅角度，比赛作品亦都整得差唔多，趁著天晴去散下心，就去咗筷子街。 去到后，感觉拆得有滴唔三唔四，围栏围住，搭著脚手架，谂住影低一个阿伯同扫地阿姨倾计嘅样，但时不时嚟几部车阻著。 ![](https://cdn.jsdelivr.net/gh/YanYuHanYun/image/c5586223742eedd54e614f7ec3c29d10.jpg) > 直出，废片，未处理 ![](https://cdn.jsdelivr.net/gh/YanYuHanYun/image/ed9bdae51607f77d057c16e900c863fe.jpg) > 直出，废片，未处理 ![](https://cdn.jsdelivr.net/gh/YanYuHanYun/image/902e5f19b990e3275ae1e0c4d2787860.jpg) > 直出，废片，未处理 记得细个时嚟筷子街（大概 10 年左右？记唔清了），当时嘅筷子街已开始开始拆迁，但依然车来人往。宜家嘅钢铁市场，可能同筷子街差唔多？ --- ## 松风路 之一 然后顺著松风路向上行，睇到几间旧屋，兜入几条巷仔。入边有唔少嘅房屋都无人居住，窗口被水泥同砖封死晒，估计，呢边都快要拆了。 ![](https://cdn.jsdelivr.net/gh/YanYuHanYun/image/1a30894d5169f401c40360262041833e.jpg) > 直出，废片，未处理 ![](https://cdn.i2c.icu/2020-04/Capture-Songfeng-Old_Wall.jpg) > 墙上的杂草 ![](https://cdn.i2c.icu/2020-04/Capture-Songfeng-CoolBoy.jpg) > 酷小伙 松风路上，有唔少「岭南风格」嘅建筑，但单纯得个壳，精髓早已消散。 --- ## 松风路 之二 系松风路公交枢纽站逗留咗阵间，期间有部巴士准备发车，太阳光啱啱好照入车，行咗一阵先发觉，连忙影落嚟，但效果唔算好。陪黄同学发咗阵骚，影几张相之后就离开了。 ![](https://cdn.i2c.icu/2020-04/Capture-Songfeng-Bus.jpg) > 终于影到巴士发车，司机嘅 Pose 都几型 ![](https://cdn.i2c.icu/2020-04/Capture-Songfeng-SAO.jpg) > 靓仔话要发骚，就帮佢影张，果然骚到虚焦 --- ## 松风路 之三 系松风路公交枢纽站行出嚟，影咗街边几间旧商铺，夕阳稀稀碎碎照入去，我最中意啊张布料店嘅相，阳光少少地照系部衣车上，当时慢慢咁一级一级走上去，偷偷地影低，事头婆系度睇手机，冇发觉我系度影相。 ![](https://cdn.i2c.icu/2020-04/Capture-Songfeng-Sewing_Machine_Sunshine.jpg) 挥春店门前，有位啊姐得闲冇嘢做，就跳起咗舞，动作都几得意下，位置唔好，只录咗段视频。 ![](https://cdn.jsdelivr.net/gh/YanYuHanYun/image/8a7d38e1d8a5d0e258a4602bff522cf8.GIF) --- ## 归途 系翻去百花广场途中，居然搵到一间音像店，店面装潢仲系零几年嘅风格，真系少有。 ![](https://cdn.i2c.icu/2020-04/Capture-Songfeng-Video_Store.jpg) > 音像店 ![](https://cdn.i2c.icu/2020-04/Capture-Songfeng-Bud_Light.jpg) > 仁寿寺 ![](https://cdn.i2c.icu/2020-04/Capture-Songfeng-Relax_Talk.jpg) > 清洁阿姨 ![](https://cdn.i2c.icu/2020-04/Capture-Songfeng-Ingress.jpg) > 顺便 Hack 咗几个 Portal，Ingress 都算升到 5 级了。 --- ## 碎碎念 今运街拍仲系有滴胆小，相对于上运系滨河景观公园，都好咗滴？静静鸡，行上去㩒快门，揸住个 56 头，唔洗行得太近，若是有支 18135，貌似都几 OK，至少取景唔洗单靠脚。调色风格方面仿照胶片风 —— 高对比、低细节、低饱和，尝试用曲线拉出嚟，效果都唔系好明显，就再用 Pollar 加多层富士滤镜。 抢我帽戴啊位同学，你知唔知你靓爆镜，影你影到焦都虚埋 (暴论 ![](https://cdn.i2c.icu/2020-04/Capture-Songfeng-Wait_For_Food.jpg) --- ## 悄悄话 ![](https://cdn.i2c.icu/2020-04/Capture-Songfeng-Shadows.jpg) 系翻嚟嘅路上，侧敲旁击，打听你嘅情况，之前嘅鱼仔游开咗，有少少暗喜。但听闻你话又有新鱼仔，Emm，或者，下次再试下。 算了，朋友只系朋友，谂咁多乱七八糟嘅做乜。若是真行出啊一步，估计连 Friend 都冇得做了。